Şimali Makedoniya millisinin futbolçusu Setafan Ristovski Finlandiya və Azərbaycana qarşı keçirəcəkləri yoldaşlıq oyunlarından öncə mətbuat konfransında iştirak edib.

Football-plus.az xəbər verir ki, Xorvatiyanın "Dinamo" (Zaqreb) klubunda çıxış edən 30 yaşlı müdafiəçi yığmanın formasını geyinən hər bir oyunçunun prioritetinin qələbə qazanmaq olduğunu bildirib:

"Hər kəs millidə oynamaq arzusunda olmalıdı, çünki bu, müqəddəsdi. Qarşıdakı hər iki matçı maksimum peşəkarlıqla keçirməliyik. İnanıram ki, bunu edəcəyik. Keçmiş nəticələrdən asılı olmayaraq, hər bir matç bizim üçün faydalıdı və belə görüşlər vasitəsilə özünə inam yaratmaq olar. Güvəni itirmək çox asandı, amma onu qazanmaq çətindi. Ona görə də bu matçlara ehtiyac var".

Qeyd edək ki, bu gün Finlandiyanı qəbul edəcək Şimali Makedoniya yığması noyabrın 20-də Azərbaycanla üz-üzə gələcək.