"Azərbaycan millisi yüksəlişdədi" - AÇIQLAMA
Noyabrın 17-də Finlandiya, 20-də Azərbaycanla qarşılaşacaq Şimali Makdoniya yığmasının çalışdırıcısı Blaqoya Milevski yerli mediaya açıqlama verib.
Football-plus.az xəbər verir ki, 51 yaşlı mütəxəssis komandasının hazırda yaxşı formada olduğunu söyləyib:
“Tam heyətlə bir araya gələ bilməyəcəyik. Müxtəlif səbəblərdən bəzi futbolçular millidən kənarda qalıb. Sentyabr toplanışı ilə müqayisədə indi futbolçular daha yaxşı formadadı. Ümid edirəm ki, klubların həftəsonu çempionat oyunlarından sonra heç kim zədələnməz. Millətlər Liqası ilə müqayisədə qarşıdakı matçlarda millidən irəliləyiş gözləyirəm. Halbuki bunlar həmin vaxt oyunlarda 3-4 qol vuran eyni uşaqlardı. Finlandiya böyük və ciddi komandadır. Onlara qarşı çətin olacaq. Azərbaycan yığması da yüksəlişdədi. Bu matçlar bizim gələcək istiqamətimizə xidmət edəcək”.
Qeyd edək ki, noyabrın 20-də Skopyedəki “Todor Proeski Milli Arena”da keçiriləcək Şimali Makedoniya – Azərbaycan oyunu Bakı vaxtı ilə saat 17.00-da başlayacaq.
Digər xəbərlər
