“Çelsi”nin satışı praktiki olaraq ötən cümə axşamı reallaşıb, amma prosesə rəsmən bugün yekun vurulacaq.

İngiltərə klubunun sahibi Roman Abramoviç və digər rəsmilər şənbə günü Todd Boeli ilə danışıqları yekunlaşdırıblar. Tərəflər mayın 30-da, yəni bu gün müqavilə imzalayacaqlar. Bununla da “Çelsi”nin Boeli və “Clearlake Capital” konsorsiumuna satışı prosesi tamamlanacaq. 

Bundan əvvəl yayılan məlumatda “Çelsi”nin yeni sahibinə 4,25 milyard funt sterlinqə başa gələcəyi bildirilmişdi. Amma Böyük Britaniya hökumətinin təkidi ilə rusiyalı milyarder Abramoviç satışdan mənfəət əldə etməyəcək.