Tiflis Şəhər Məhkəməsi sabiq həyat yoldaşı Nelli Dorokaşviliyə münasibətdə zorakılıqda günahlandırılan gürcü tennisçi Nikoloz Basilaşviliyə bəraət verib.

Football-plus.az xəbər verir ki, məhkəmədə onun günahı sübuta yeitirilməyib. Nelli 30 yaşlı tennisçini sözlü təhqirdə, döyməkdə və psixoloji təzyiqdə suçlayırdı.

Basilaşvili 2020-ci ilin mayında saxlanılsa da, bir neçə gün sonra məhkəmə onu 100 min lari (36 min dollar – red.) girov müqabilində azadlığa buraxmışdı. Xatırladaq ki, bu ilin iyununda Almaniyanın ZDF kanalı tennisdə danışılmış oyunlara həsr olunan təhqiqatda şübhəlilər sırasında Basilaşvili ilə yanaşı, rusiyalı Aslan Karatsevin və bu tennisçilərin məşqçisi Yeqor Yatsıkın da adını çəkmişdi. Gürcü tennisçi həmin ittihamı da yaxın buraxmadı.