Çilili tennisçi Miçel Vernyer Kinteros danışılmış oyunlarda iştiraka görə 7 illiyə diskvalifikasiya olunub.

Bu haqda xəbəri tennisdə neqativ hadisələrlə mübarizə üzrə orqanın (ITIA) saytı yayıb. 29 yaşlı tennisçinin cəza müddəti 2029-cu ilin avqustunda başa çatacaq. Onun üzərinə 22,5 min avro (7,5 mini şərti) cərimə də qoyulub. Xəbərdə o da qeyd olunur ki, çilili 2018-ci ildə oyunların nəticələrinə təsir etdiyinə görə pul aldığını etiraf edib.

Kinterosun karyerasındakı ən böyük uğuru Peşəkar Tennisçilər Assosiasiyasının (ATP) reytinqində 664-cü pillədə yer almaq olub.