“Fənərbaxça”nı böyük fərqlə çempion edərəm” - Bülənt Uyğundan iddialı açıqlamalar
Türkiyə futbolunda həm futbolçu, həm də məşqçi kimi iz buraxan isimlərdən olan Bülənt Uyğun “Fanatik” nəşrinə gündəmə düçəcək iddialı açıqlamalar verib.
Football-plus.az xəbər verir ko, futbolçu kimi “Fənərbaxça”nın heyətində həm superliqanın bombardiri olan, həm də çempionluq sevinci yaşayan 51 yaşlı mütəxəssis məşqçi kimi isə “Sivasspor”la 2007/08 və 2008/09-da tarix yazmağa yaxın olsa da, çempion ola bilməmişdi. 2021-in sentyabrında “Çaykur Rizəspor”dan ayrılandan bəri işsiz olan Uyğun bunları deyib: “Məşqçi kimi Sivasda çox böyük işlər gördüyümü düşünürəm. 2007/08-də çempionluğa aparan yol evdə “Beşiktaş” və “Qalatasaray”ı yenməkdən keçirdi. Hər iki qarşılaşmada mükəmməl oynasaq da, məğlub olduq. Çempionluq qismət deyildi. Həm də “Sivasspor”u çempion olmağa qoymadılar. Bu çempionatda bəzi komandalar 68, 67, 65 xalla çempion olduğu halda, biz 73 xalla yalnız 4-cü yeri tutduq! Amma növbəti mövsüm ikinci olub ÇL-ə vəsiqə qazandıq. Həmin vaxt mən dedim ki, qarşıdakı 5 ildə Anadoludan mütləq bir çempion çıxacaq. “Bursaspor” proqnozlarımızı doğrultdu. Mən əsasən elitadan düşməyə namizəd olan klublarda çalışmışam. “Mourinyo, Qvardiola, Klopp da glsə, xilas edə bilməz” deyilən klubları elitada saxlamağı bacarmışam. “Qaziantepspor” olsun, “Çaykur Rizəspor” olsun, Qətərdə çalışdırdığım klublar olsun. “Elazığspor”u alt liqada çempion edib elitaya yüksəltdim. Qətərdə ilk 13 turda qələbəsi olmayan və 1 xal toplayan klubu Asiya Çempionlar Liqasına daşıdım. Mən ÇL-i qazanacaq qədər cəsarətliyəm. Xəyalpərəst olmasam da, xəyallarım çoxdu. Üzərimdə işləyirəm, kitab oxuyuram, araşdırıram. Ən böyük arzum Anadolu klubu ilə çempion olmaqdı. “Fənərbaxça”nı mənə versələr, zatən böyük fərqlə çempion edərəm! Hazırda “Barselona”da olan Əmrə Dəmiri, eləcə də “Renn”də çıxış edən Doğan Ələmdarı mən kəşf etdim. Çünki gənclərlə işləməyi bacarıram. Həmit Altıntop yığmanın başına Ştefan Kuntsu gətirməklə türkiyəli məşqçilərə hörmətsizlik etdi! Axı Kunts kimdi? Karyerasında nəyə nail olub? Keçilərinin sayı əhalisinin sayından çox olan bir ölkəyə uduzduq! Yığmanı çalışdırmaq üçün məşqçinin qarşısına 3 dil bilmək şərti qoyulub. Başa düşmürəm, sən tərcüməçi axtarırsan, yoxsa məşqçi? Sərgən Yalçın göstərdi ki, öz dəyərimizə sahib çıxanda, o, nəticə verməyi bacarır. Vitor Pereyra kimilər yalandan gəlib top daşıyan uşağı qucaqlayır, biz də onu göyün yeddinci qatına qaldırırq. Hamı elə düşünür ki, Kim Min Çjeni Türkiyəyə Pereyra gətirib. Amma Kim Min Çje bura Slaven Biliçin məsləhəti ilə gəmişdi. Pereyraya ötən mövsüm dünyanın ən güclü heyətlərindən biri verilmişdi. Amma o cür komandanı bərbad günə qoydu. Çünki öz övladlarımıza dəyər vermirik. Mən Əli Koçun yerində olsam, Aleksləri, Anelkaları, Van Hoydonkları, Roberto Karlosları mütləq kluba gətirərəm. Öz şirkətinin müdirini qoltuğuna vurub gəzməkdənsə, bu isimlərlə gəzmək yaxşı olar. Klubu dünya markasına çevirə biləcək, Avropada böyük uğurlar qazandıra biləcək isimlər məhz onlardı. Aleks sənin Türkiəyəyə gəlmiş ən önəmli əcnəbi oyunçularından biridi. Sənin 3000-ci qolunu vuranda pul mükafatını “Mehmetcik Vəqfi”nə bağışlamış bir insandı. “Fənərbaxça”nı da, Türkiyəni də çox sevir. Aleksi gətir və ən pis halda idman direktoru təyin et. Sənin nə işin var Komolli, Zomolli kimilərlə? Heç adını da xatırlamıram”.
ƏLİ
Digər xəbərlər
