"Bu turnir Azərbaycan torpaqlarında növbəti idman bayramıdı" - Fərid Qayıbov
Gənclər və idman naziri Fərid Qayıbov avarçəkmə üzrə “Mingəçevir Reqatası”nın rəsmi açılış mərasimdə iştirak edib.
"Footbal-plus.az" xəbər verir ki, açılış mərasimi Suqovuşanda olan turnir barədə bunları deyib:"İnanıram ki, növbəti yarışlarda iştirakçı ölkələrin sayı daha çox olacaq. May ayında işğaldan azad olunmuş Qarabağ torpaqlarında ilk beynəlxalq yarış keçirilmişdi. Bugünkü turnir isə tarixi Azərbaycan torpaqlarında növbəti idman bayramıdı. Bu münasibətlə hamınızı təbrik edirəm. Beş aydan sonra yenidən Suqovuşanda avarçəkmə, kanoe və kayak yarışları keçiririk. O zaman turnirdə 5 ölkə iştirak edirdisə, bu gün artıq 13 ölkə təşrif buyurub. Bu yarış beynəlxalq təqvimə də salınıb. Bütün bunlar cənab prezidentin tapşırığı ilə Qarabağda aparılan sürətli quruculuq işlərinin nəticəsidi. Sevinirik ki, idmançılar da bu prosesdə iştirak edir, inkişafa öz töhfələrini verirlər. Şuşada şahmat yarışı təşkil etdik, Velosiped turniri keçirdik, Suqovuşanda artıq ikinci yarışdı. Yeni beynəlxalq yarışların da keçirilməsi nəzərdə tutulub. Bununla bağlı federasiyalarla müzakirələr edirik".
Digər xəbərlər
