Acun Ilıcalının sahibi olduğu “Hall Siti”də belə desək, qara günlər davam edir.

Football-plus.az xəbər verir ki, komanda nə özünə yeni məşqçi tapa, nə də böhrandan çıxa bilir. Halbuki Acun mövsümdən öncə verdiyi açıqlamalarda premyer-liqaya yüksəlmək uğrunda mübarizə aparacaqlarını iddia edirdi.

Ən son “Hall Siti” çempionşipin 15-ci turunda öz meydanında “Birmingem”ə 0:2 hesabıyla uduzdu. Bu, komandanın son 8 turda 7-ci (!) məğlubiyyəti oldu (dünənki oyunun nəticəsi nəzərə alınmayıb – red.). “Pələnglər” 24 komandalı turnirdə 14 oyuna topladıqları 14 xalla 21-ci pillədə qərarlaşıblar. Görünən odu ki, Şota Arveladzenin istefaya göndərilməsinin də komandaya bir faydası dəyməyib. “Hall Siti” müvəqqəti oyunlara Endi Dousonun başçılığı altında çıxır. Fanatlar yeni məşqçinin adının həftəsonuna qədər bəlli olacağına ümid edirlər.