Türkiyənin məhşur şoumeni və ''Hall Siti''nin sahibi Acun Ilıcalı xoşagəlməz hadisə ilə üzləşib.

Football-plus.az xəbər verir ki, o, qızı Banu ilə birlikdə özünə məxsus motosikli sürərkən qəzaya düşüb. Belə ki, onun motosikli qarşıdan gələn maşınla toqquşub. Onların hər ikisi ''Liv Hospital'' xəstəxanasına yerləşdiriliblər. Həm ünlü ismin, həm də onun qızının heç bir həyati təhlükəsi yoxdu. Banu Ilıcalı yüngül şəkildə yaralanıb. Acunun isə qolu qırılıb. ''Hall Siti''nin rəsmi səhifəsində hadisə ilə bağlı verilən məlumatda Acunun bu gün əməliyyat olunacağı qeyd edilib.

Bu, Ilıcalının yaşadığı ilk qəza hadisəsi deyil. O, 1994-də də indikindən daha ağır bir motosikl qəzasına düşmüşdü. 2019-da isə maşınını arxa təkərinin partlaması üzündən o, baryerlərə çırpılmışdı.