Sabiq ''Qalatasaray''lı ''Hall Siti''də
Çempionşip təmsilçisi ''Hall Siti''nin sahibi, türkiyəli şoumen və iş adamı Acun Ilıcalı maraqlı bir transfer xəbərini açıqlayıb.
O, ''Qalatasaray ''ın sabiq futbolçusu Jan-Mişel Seri ilə anlaşdığını bildirib. 30 yaşlı kot d'İvuarlı yarımmüdafiəçi 2018-dən bu yana şərəfini qoruduğu ''Fulhem''dən ayrıldığı üçün azad agent statusundadı.
O 2019/20-də icarə əsasında ''Cim-Bom''un şərəfini qorumuş və 37 rəsmi oyuna 2 qol vurmuşdu. Acun bunları deyib:
''Seri böyük ehtimalla yeni mövsümü ''Hall Siti''də keçirəcək. İstanbulda onunla görüşərək söhbət etdim. Futbolçu kimi zatən ona heyran idim. İnsan kimi də heyran qaldım. Orkestrimizin rəhbəri olacaq və bizə böyük faydası dəyəcək. Yalnız futbola köklənmiş və yaxınlarına bağlı olan ailə başçısıdı. Onun keçidini mənə köməkçilərim məsləhət gördü. Mən də onlara güvənmək qərarına gəldim''. Qeyd edək ki, ''Hall Siti'' ''Fənərbaxça''nın yarımmüdafiəçisi Ozan Tufanla da anlaşıb və bu transferin də önümüzdəki günlərdə açıqlanacağı gözlənilir.
Digər xəbərlər
