''Acun Ilıcalı mənə öz arzularından bəhs etdi və mən də bu arzuların bir parçası olmaq istədim. Baş məşqçi Şota Arveladze ilə görüşdə də ona çox istəkli olduğumu dedim. Ötən mövsüm qısa müddət də olsa, premyer-liqada oynamaq fürsətim oldu. ''Hall Siti'' ilə yenidən ora qayıtmaq istəyirəm. Fikrimi yalnız futbola yönəldəndə və beynimdə başqa şeylər olmayanda məndən gözlənilən performansı sərgiləməyi bacarıram. ''Fənərbaxça'' karyeramda bu baxımdan müəyyən çətinliklər yaşadım. Orda gərgin mövsümlər keçirdim. ''Fənər''lə bağlı müəyyən incikliyim oldu. Çünki haqsızlığa uğradığımı düşünürəm. Mənə aid olmayan hərəkətləri sanki mən etmişəm kimi qələmə verdilər. Əziz Yıldırımın başqanlığı dönəmində də əsas komandadan kənarlaşdırılmışdım. O vaxt həqiqətən də səhvlərim olmuşdu və bu qərarı anlayışla qarşılamışdım. Amma bu son dönəmdə haqqımda yazılan şeylərin çoxu siz bildiyiniz kimi deyil! Daha sonra bu məsələ ilə bağlı geniş açıqlama verəcəm''.