"6 məğlubiyyətdən sonra komandanı toparlamaq çətindi" - Tərlan Əhmədov
Misli premyer-liqasında 8-ci tura yekun vurulub.
Son matçda "Sumqayıt" "Kəpəz"i qəbul edib. Hesabın açılmadığı matçdan sonra qonaqların baş məşqçisi Tərlan Əhmədovun mətbuat konfransı keçirilib. Sizi mütəxəssisin fikirləri ilə tanış edirik:
"Maraqlı oyun oldu. Samir Abasova yeni işində uğurlar arzu edirəm. Komandamdan yaxşı oyun gözləyirdim. Autsayderlərin dueli idi. Əla çıxış etdik. Komandanın oyunu ümid verdi. Gələcəkdə nəticə əldə edə bilərik. Bu gün qələbə qazana bilərdik. Sanki futbolçularımda inam azdı. 6 məğlubiyyətdən sonra komandanı toparlamaq çətindi. Yavaş-yavaş bunun öhdəsindən gəlirik. Komanda meydanda çox güc sərf etdi. Oyuna nəzarət edən tərəf biz idik. Epizodlarımız oldu. Lakin hələ o soyuqqanlılıq yoxdu. Futbolçularımla fəxr edirəm. Gələcəkdə daha yaxşı ola bilərik".
- Georgi Kantariyanın artıq çəkidən əziyyət çəkdiyi görünür...
- Kantariyanın çəkisi artıq deyil. Normaldı. Biz çəkiyə görə penalti vuran təyin etmirik. Kantariya soyuqqanlıdı və ən yaxşı penalti vuranlarımızdandı. Bu gün matçın da ən yaxşılarından idi. Biz oyunçunun texniki gücünə, məşqlərdə hansı səviyyədə olduğuna baxırıq. İlk penalti vuranımız Əfran İsmayılov idi. Oyundan əvvəl məşqdə zədələndi və məcburi dəyişiklik etdik. Bu gün 1 xal qazandıqsa, 2-ni itirdik.
- Erqemlidze sanki oyuna həvəssiz daxil oldu.
- Kənardan necə görünməyi başqadı. Biz oyunçunun meydana necə daxil olmasını müşahidə etmirik. Onda istəksizlik hiss etmədim.
Digər xəbərlər
