''Kuboklar, medallar, arxivdəki şəkillərim mənim üçün çox şey ifadə edir. Bir kuboka və ya şəklə baxanda o anın hekayəsini xatırlayır, duyğularını yaşayıram. Bu film bu baxımdan əla fürsətdi. Əslində həyatımı 4 bölümə sığışdırmaq çətindi. Zatən sığmadı da. Amma bu 4 hissəlik film mənə və həyata dair çox şeyi anladır. Çəkilişlər zamanı nələr dediyimi, təbii ki, xatırlayıram. Bütün həyatımı anlatmağa çalışmışam. Açığı digərlərinin mənim haqda nə dediyini bilmirdim. Yalnız bir-iki nəfərin çəkilişi eyni anda aparılıb. Sadəcə, onların fikirləri ilə tanış idim. Qalanlarından xəbərim yox idi. İlk iki hissə hazır olandan sonra mənə onları izləməyi təklif etdilər. Həyat yoldaşım Fulya xanımla birgə izlədik və göz yaşlarını saxlaya bilmədiyimiz anlar oldu. İzlədiyim hər nə qədər öz həyatım olsa da, başqalarının fikirləri, musiqilər, söhbətlər istər-istəməz adamı duygusallaşdırır. Bir müddət sonra digər iki hissəni də izlədim. Bu dəfə qızlarım da yanımda idi. Gördüm ki, onların da gözü dolur. Filmi araya-ərsəyə gətirənlərə təşəkkür edib ayrıldıq. Hətta indi danışanda belə həyəcanlanıram. Nəvələrim gələcəkdə ''bu bizim babamızdı'' deyib kiməsə anlatmaq əvəzinə elə bu filmi izlədəcəklər. Bəli, həyat yoldaşım o vaxtlar məşqçilikdə uğur qazana bilməyəcəyimi düşünürdü. Amma bir futbolçu meydanda inandığını edirsə və yalnız özünü yox, komanda yoldaşlarını düşünürsə, gələcəkdə baş məşqçi olmaq haqda düşünə bilər. Təbii ki, düşünə bilməklə həyata keçirmək ayrı-ayrı şeylərdi. O dönəmdə məşqçiliyə başlamamış önəmli isimlərdən məsləhətlər almışdım. Amma ən əsası daxilimdə bu işi bacaracağıma inanırdım. Övlad, futbolçu, kapitan, məşqçi, həyat yoldaşı, ata, baba, imperator… Bunların sıralamasını düzəldə və içindən də ən vacibini seçə bilmərəm. Çünki hamısı vacibdi. Bu mənim həyat hekayəmdi. Hərəsinin öz məsuliyyəti və gözəlliyi var. Həyatın içində nə varsa, futbolda da var. Çəkiliş başlayarkən ''Qalatasaray''ın baş məşqçisi statusunda olmağım, bitəndə isə artıq klubdan ayrılmış olmağım bunu bir daha sübut edir. Filmdə söylədiyim kimi: futbol, sadəcə, idman deyil''.