"Dəyişiklikdən sonra kuryoz qol alındı" - Artur Olenin
Misli premyer-liqasında 7-ci tura start verilib.
"Sabah" "Turan Tovuz"u məğlub edib - 3:1. Oyundan sonra meydan sahiblərinin məşqçisi Artur Oleninin mətbuat konfransı keçirilib. Sizi mütəxəssisin fikirləri ilə tanış edirik:
"Öncə şəhidlərə rəhmət diləyirəm, məkanları cənnət olsun. Ümid edirəm ki, bu hadisələr qısa müddət ərzində bitəcək. Oyun bütünlüklə bizim ərazi üstünlüyümüz şəraitində keçdi. Topa daha çox sahib olan tərəf biz idik. Düzdü, dəyişiklikdən sonra kuryoz qol alındı. Amma buna qədər biz bir çox qol şansları yaratmışdıq. Qol vurduqdan sonra rəqibi yenə öz qapısına sıxdıq. Qələbə münasibətilə futbolçuları təbrik edirəm".
- Demək olar ki, rəqib 10 nəfərlə qaldıqdan sonra oyuna bir qədər qeyri-ciddi yanaşdız?
- Məncə belə olmadı. Çünki, belə olsaydı, biz daha çox qol vurmağa calışmazdıq. Sadəcə olaraq elə qol buraxdıq ki, bu, heç təhlilə də layiq deyil. Çox kuryoz qol alındı.
- Oyun zamanı Murad Musayevlə əlaqə saxlayırdız? O, daha çox nəyə diqqət yetirməyi tapşırırdı?
- Oyun ərzində nə etmək lazımdısa, onları tövsiyə edirdi.
- Çempionatda iki həftəlik fasilə olacaq. Bundan necə yararlanacaqsız?
- Əlimizdə olan futbolçularla işlədəcəyik. Bu, bəlkə də digər komandalar kimi bizim üçün də optimal fürsətdi. Çünki, zədələ oyunçularımız geri qayıdacaq.
- Apeh bir çox şansları dəyərləndirə bilmədi. Bunun səbəbi nədi?
- Bu gün qol vurmadı. Böyük bir problem yoxdu. Biz ona inanırıq. Apeh çox keyfiyyətli oyunçudu. Bir qol vurub. Gələn oyunlarda da ona şans verəcəyik.
Digər xəbərlər
