"Turan Tovuz" "Kəpəz"i məğlub edib - 2:0. Oyundan sonra meydan sahiblərinin baş məşqçisi Ayxan Abbasov mətbuat konfransında iştirak edib. Sizi mütəxəssisin fikirləri ilə tanış edirik:
“Çempionatımızda belə oyunun olması xoş oldu. Azarkeşlər nəticədən asılı olmayaraq sevinirdilər. Çünki 9 ildən sonra Qərb derbisi qayıtdı. Önəmli oyun idi. Evdə qələbə qazanmaq istəyirdik. “Kəpəz”də olan dəyişikliklərdən sonra sürprizlə qarşılaşa bilərdik. Komanda tapşırıqları yerinə yetirdi. Nizam-intizamı sona qədər qoruduq. İstədiyimiz qolları vura bildik. Oyundan oyuna artırmalıyıq. Güvəndiyimiz gənc oyunçular var. Onlar da getdikcə özünəinamını artırırlar. Azarkeşlərimizi təbrik edirəm. Möhtəşəm idilər. Həqiqətən də futbola layiq atmosfer var idi. Qarşıda bizi çətin oyunlar gözləyir. Hazırlaşacağıq”.
