Bu klubun çempionatda iştirakı AFFA-dan asılıdı - AÇIQLAMA
Misli premyer-liqasında 6-cı tur geridə qalıb. 1-ci divizionda isə 4-cü tur start götürüb.
Lakin Region Liqasında hələ də yeni mövsüm başlamayıb. Ümumiyyətlə, bu yarışla bağlı detallara aydınlıq gəlməyib. Hətta bəzi komandaların iştirakdan imtina edəcəyi də deyilir.
Maddi durumu zəif olanlardan biri də “Qobustan”dı. Maraqlıdı, adı çəkilən klub növbəti mövsüm Region Liqasında çıxış edəcək? Viste-prezident Taleh Gülməmmədov məsələ ilə bağlı “Football-plus.az” saytına bunları söylədi:
“Ötən dəfə demişdim, yenə təkrar edirəm, “Qobustan”ın maddi durumu heç də ürəkaçan deyil. Getdikcə vəziyyət daha da çətinləşir. 2017-ci ildən Region Liqasında iştirak edirik. Heç bir yerdən dəstəyimiz yoxdu. Klub bir-iki nəfərin himayəsindədi. Bütün məsrəfləri özümüz qarşılayırıq. İndi durum yaxşı deyil. Amma inanırıq ki, AFFA kömək edəcək. Belə olmasa, bir çox klub liqada iştirak edə bilməyəcək. Biz də “Qobustan” klubu olaraq AFFA-dan dəstək gözləyirik. İnanırıq ki, bizə və başqa klublara dəstək olacaqlar və bu il Region Liqasında çıxış edəcəyik”.
ŞAİR ABDULLA
Digər xəbərlər
