Fransa təmsilçisi ''Lill''dən ayrılaraq azad agent statusunda olan Burak Yılmazın yeni klubunun adına aydınlıq gəlib.

Tanınmış forvardın ''Beşiktaş'', ''Adana Dəmirspor'', eləcə də bir sıra Amerika klublarının hədəfində olduğu bildirilirdi. Burak bir müddət öncə verdiyi açıqlamada ''Qartal''a qəlbən bağlı olduğunu, amma bu kluba keçməyəcəyini demişdi. O bəzi klublardan həm futbolçu, həm də sonra məşqçi kimi işləmək üçün təklif aldığını etiraf etmişdi. Burak yeni klubu ilə məhz bu şərtlər altında müqavilə imzalayıb. Tanınmış futbolçu karyerasını Niderland təmsilçisi ''Fortuna''da davam etdirəcək! Yılmaz Sittard şəhərini təmsil edən bu klubla beşillik müqavilə imzalayıb. O ilk iki ildə kluba futbolçu, sonrakı 3 ildə isə məşqçi kimi xidmət edəcək. İlk baxışdan 37 yaşlı futbolçunun seçimi təəccüb doğurur. Çünki ''Fortuna'' Niderlandda heç bir iddiası olmayan və yalnız elitada qalmaq üçün oynayan klublardan biridi. 53 illik tarixə malik olan və son mövsümü erediviziyada 15-ci pillədə başa vuran bu klub yalnız iki dəfə (1957, 1964) ölkə kubokunu qazanıb. Bu sövdələşmənin sirri ondadı ki, ''Fortuna''nın sahibi türkiyəli iş adamı İşıtan Gündü. Enerji sahəsində çalışan Gün 2016-da bu kollektivin səhmlərinin böyük hissəsinə sahib çıxandan sonra prezidentə çevrildi. ''Fortuna'' 2018-də elitaya qayıtdı və son 4 mövsümün hamısını erediviziyada keçirib. İşıtan Gün həm də ötən mövsüm ''Qalatasaray''ın idarə heyətinin üzvü idi. O daha öncə 2013-də də ''Cim-Bom''da çalışıb və Burakla tanışlığı məhz həmin dönəmə təsadüf edir.

Burak Yılmaz klubun rəsmi saytına bunları deyib: ''Fortuna''da keçirəcəyim zamanı səbirsizliklə gözləyirəm. Klubun mənə təklif etdiyi layihə xoşuma gəldi. Karyeramı bitirəndən sonra burda məşqçi kimi çalışacam. Amma öncə iki il kluba futbolçu kimi fayda verməyə çalışacam. Təcrübəmi gənclərlə bölüşəcəm''.

Klubun direktoru Syurd Ars isə bunları deyib:

Qısaca qeyd edək ki, Türkiyə çempionatında iki dəfə (2012, 2013) bombardir olan Burak karyerası boyunca 520 rəsmi oyunda 255 qol, 70 məhsuldar ötürmə ilə yadda qalıb və ümumilikdə 14 titul qazanıb. Bir neçə ay öncə çıxışını dayandırdığı Türkiyə yığmasında isə 77 oyuna çıxaraq 31 qol, 8 məhsuldar ötürməlik performans sərgiləyib. Burak Hakan Şükürdən (51) sonra Türkiyə yığması tarixində ən çox qol vuran ikinci oyunçudu.

ƏLİ