"Birinci ilimiz idi ki, ÇL-da çıxış edirdik. Turnirə ürəyimiz istəyən kimi hazırllaşa bilmədik, yoldaşlıq oyunu keçirmədik. Buna rəğmən, yetirmələrimin oyunundan razı qaldım. Düzdü, qrupdakı ilk matçda bəxtsizlik, təcrübəsizlik üzündən Çexiya "La Plata de Kunde"sinə 1:2 hesabı ilə uduzduq. Amma yenilgidən sarsılmadıq. Qalan 2 matçda Bolqarıstan və Rumıniya təmsilçilərinə darmadağınla qalib gələrək 1/8 finala yüksəldik. Bu mərhələdə Rumıniyanın "Old boys" təmsilçisiylə ağır oyun keçirdik və penalti seriyasında rəqibi üstələdik. Bu matç bizi çox yordu. Nəticədə 1/4 finalda Monteneqro təmsilçisinə qarşı matçda hesabı aça bilmədik. Penalti seriyasında isə yenildik. Gərək oyunun penalti seriyasına qədər uzanmasına imkan verməzdik. İstənilən halda, debüt üçün yaxşı çıxış etdiyimizi düşünürəm. Yetirmələrimin hər birindən razıyam. İştah diş altındadı. Gələcək üçün iddiamız böyükdü. Minifutbol millimizin Avropa çempionu olmasından sonra estafeti klubumuzla davam etdirməyi hədəfləyirik. İddiamız böyüyürsə, özümüz də böyüyüb, inkişaf etməliyik. Gələcəkdə daha güclü "Beerbaşa" görəcəksiz".