Turun açılış oyununda “Kəpəz” müvəqqəti sığındığı Qəbələdə “Qarabağ”ı qəbul edirdi.

Qurban Qurbanovun komandasının qalib gələcəyi heç kimdə şübhə doğurmurdu. Sadəcə, hamını bir sual düşündürürdü: “köhlən atlar” heç də yaxşı günlərini yaşamayan “sarı-göylər”in qapısından neçə top keçirəcək? Çoxları nominal ev sahiblərinin darmadağın olacağını təxmin etsə də, əvəzedici komandanın baş məşqçisi Xaliq Mərdanovun meydana çıxardığı “Kəpəz” minimal hesabla uduzdu. Düzdü, ağdamlıların fərqlənmək üçün çox imkanı oldu. Ancaq qonaqlar bunun yalnız birindən istifadə etdi ki, bu da onlara hesablarına daha 3 xal yazmaq imkanı verdi.

Şənbə günü keçirilən ilk qarşılaşmada “Şamaxı” “Turan Tovuz”la üz-üzə gəldi. Meydan sahibləri çox çalışsa da, sona qədər dözə bilmədi. Ayxan Abbasovun çalışdırdığı “boz qurdlar” əsas vaxtın sonuna 5 dəqiqə qalmış “şirlər”i meydanın mərkəzinə dəvət etdi. Runi Evanın vurduğu yeganə qol qonaqların mövsümdə ikinci qələbəsini rəsmiləşdirdi.

Elə həmin “Bakcell Arena”da “Neftçi” mövsümə uğursuz start verən, hələ qol hesabını aça bilməyən “Sumqayıt”la qarşılaşdı. “Kimyaçılar” üçün 5-ci tur da uğursuzluqla yadda qaldı. Meydan sahibləri, demək olar, çətinlik çəkmədən, “tək ayaqla” Aleksey Baqanın komandasını evə əliboş yola saldı. “Neftçi”nin 3 qoluna “kimyaçılar” qarşılıq verə bilmədi.

Turun son oyun günündə Masazırdakı “Bank Republika Arena”da “Sabah” “Səbail”lə üzə-üzə gəldi. Meydan sahibləri əvvəlki 4 turun hamısında qalib gəlməklə yüzfaizlik nəticə ilə yadda qalmışdı. Buna görə də onların cütün favoriti kimi göstərilməsi heç də təəccüblü deyildi. Və ümumilikdə matçboyu “tələbələr” favorit adını doğrultdu. Murad Musayevin yetirmələri 90 dəqiqə oyun üstünlüyünə sahib oldu, daha çox hücum etdi, rəqib qapısı önündə daha təhlükəli vəziyyətlər yartdı. Ancaq “ağ-göylər” (bu mövsüm evdə ancaq qara-çəhrayı rənglərdə çıxış edir) kəmiyyəti keyfiyyətə çevirə bilmədi. “Səbail” Masazırdan xalla dönməsinə görə ilk növbədə Emil Balayevə minnətdar olmalıdı. Qolkiper inanımaz seyvlərlə yüksək ustalıq nümayiş etdirdi. Mahmud Qurbanovun komandasının bütünlüklə müdafiəyə oturduğunu da demək olmaz. Ara-sıra “dənizçilər” də hücum edir, Yusif İmanovu narahat etməyə çalışırdı. Lakin qapıçı ilə müdafiəçilərin soyuqqanlı oyunu qonaqların ardıcıl ikinci qələbəsini qazanmasına imkan vermədi. “Səbail”lə görüşdə planlaşdırılmamış xal itkisinə məruz qalan “Sabah” hələ ki turnir cədvəlində vahid lider mövqeyini qoruyur.

Həftənin son matçına Mərdəkan qucaq açmışdı. Əvvəlcə “Zirə” – “Qəbələ” görüşünün Zirədə baş tutacağı bildirilsə də, PFL meydanın yararsız olması səbəbindən buna icazə vermədiyindən “qartallar” növbəti dəfə “Dalğa Arena”ya üz tutmalı oldu. Görüş olduqca maraqlı keçdi. Əsasən ona görə ki, “Zirə” yuxudan oyanmağa başlayıb. Daha doğrusu, əvvəlki turlarla müqayisədə Rəşad Sadıqovun komandası daha yaxşı oynadı. Əlbəttə, yenə oyunda çatışmazlıqlar nəzərə çarpır, lakin bu dəfə müsbət cəhətlər daha çox idi. “Qartallar”ın 3 xala sevinməsində əsas pay sahibi dubla imza atan Rəhim Sadıxov oldu. Qəsəbə təmsilçisinin yarımmüdafiəçisi iki baxımlı qol vurmaqla yadda qaldı. “Qəbələ”yə gəlincə, bu dəfə Elmar Baxşıyevin komandasının hücumlarında sanki kəskinlik çatışmırdı. Qonaqlar ilk hissədə yetərincə yaxşı görünsə də, fasilədən sonra sürəti bir qədər azaltdı. Əslində “qırmızı-qaralar”ın məğlubiyyətə layiq olmadığını demək mümkündü. Ancaq qələbə üçün də yetərincə əziyyət çəkmədilər. “Zirə” bu qələbə sayəsində xalını “Turan Tovuz”la bərabərləşdirdi. “Qəbələ” isə, məğlub olmasına baxmayaraq, 9 xalla 4-cü pillədədi.

Misli premyer-liqası

1-ci dövrə, 5-ci tur
1 sentyabr
Kəpəz – Qarabağ 0:1
3 sentyabr
Şamaxı – Turan Tovuz 0:1
Neftçi – Sumqayıt 3:0
4 sentyabr
Sabah – Səbail 0:0
Zirə - Qəbələ 2:1
1. Sabah 5 4 1 0 10-2 13
2. Qarabağ 4 4 0 0 10-1 12
3. Neftçi 5 4 0 1 12-5 12
4. Qəbələ 5 3 0 2 9-5 9
5. Turan Tovuz 4 2 1 1 2-2 7
6. Zirə 5 2 1 2 6-7 7
7. Səbail 5 1 2 2 6-6 5
8. Sumqayıt 5 0 2 3 0-8 2
9. Şamaxı 5 0 1 4 2-10 1
10. Kəpəz 5 0 0 5 4-15 0
Bombardirlər: Ramil Şeydayev (Qarabağ) – 4, Coy-Lens Mikels (Sabah) – 3.
Növbəti turun oyunları: 9 sentyabr – Turan Tovuz – Kəpəz; 10 sentyabr – Səbail – Zirə, Qəbələ - Neftçi; 11 sentyabr – Sumqayıt – Şamaxı, Qarabağ – Sabah.

RƏŞAD

Son xəbərlər

Fransa pley-offda, Argentina ilk qələbəsini qazandı - YENİLƏNİB

Mbappe bu 3 əfsanəni geridə qoydu

Levandovski ən yaxşı seçildi

Lukaku Belçikanın heyətinə qayıdır

Neymar ilə Danilonun aqibəti müəyyənləşdi

Sərdar Azmun azərbaycanlıdı? - ARAŞDIRMA

Ronaldo rekordlardan doymur

Valensiya DÇ tarixində bunu bacaran 4-cü futbolçu oldu

Sərdar Azmundan ''Fənərbaxça'' etirafı

Hakim Cavid Hüseynova hansı sözünə görə qırmızı vərəqə verib? - AÇIQLAMA

Mundiallar tarixində 3-cü qapıçı oldu

Milli komandanın yeni rekordçusu oldu

Fransalı oyunçu sıraya döndü

Dünya çempionatında ardıcıl 8-ci məğlubiyyət

Azarkeç DÇ-nin oyunu zamanı dünyasını dəyişdi

İdmançımız dünya oyunlarında gümüş medal qazandı

Dünya çempionatının finalında İT menecer olacaq azərbaycanlı ilə MÜSAHİBƏ

Tofiq Həbibin qohumu ilə döyüşmək istəyir

Məşqçisi Cokoviçin sirrini açdı

Oğul Rafael ata Rafaelin həyatını dəyişib

Azərbaycan çempionatının keçirilmə vaxtı açıqlandı

"Qarabağ" - "Zirə" matçının biletləri satışa çıxarılır

Prezident cinsi zorakılıqda suçlandı və istefa verdi

15-ci turun təyinatları bəlli oldu

Azərbaycan klubu dünya çempionatında oynayan futbolçunu transfer etmək istəyir

Mundialla erkən vidalaşdı

Entoni Devis klub rekordunu təkrarladı

Veteran futbolçu dünyasını dəyişdi

Ernandes əməliyyat olundu

Saniyədə 20 min paylaşım!

Bu dəfə himni oxudular, fitə basıldılar

Oveçkin 790-a çatdı

İdmançımız qızıl medal qazandı

Antonun komandasından növbəti qələbə

Ronaldoya daha bir müştəri

Niderland Ekvador matçında qollu sülh - VİDEO

“Çikaqo” “Boston”un qələbə seriyasını qırdı

Ponomaryov: “Bu mövsüm qarşımıza əsas məqsəd kimi çempionluq uğrunda mübarizəni qoyduq” - MÜSAHİBƏ

Qətər - Seneqal matçında 4 qol - VİDEO

"Kuboku qazanmaq istəyirik" - "Səbail"in futbolçusu

"Bu bizi qətiyyən qorxutmur" - Mirabdulla Abbasov

Fərid Qayıbov olimpiya idman komplekslərinin rəhbərləri ilə görüşdü

Mundiallar tarixində ilk

Cokoviç özünü hamıdan yaxşı sayır

“İnanıram ki, yığmamız həmin görüşlərdə sözünü deyəcək” - 1:8 hesabı ilə uduzan millimizin üzvü

Bütün xəbərlər