İspaniya çempionatının “Betis”lə oyunu Karlo Ançelotti üçün əlamətdar olub.

Onun çalışdırdığı “Real” 2:1 hesabı ilə qalib gələrək La Liqada liderliyini davam etdirib. 63 yaşlı italyan mütəxəssis paytaxt komandası ilə 133-cü qələbəyə sevinib. Ançelotti bununla madridlilərin sabiq baş məşqçisi Visente Del Boskenin göstəricisini təkrarlayıb. “Real”ın çalışdırıcısı kimi daha çox qələbə qazananlar Migel Munyos (357) və Zinəddin Zidandı (172).