“Tofiq Bəhramov” Avroliqanın qrup oyunlarına hazırdı
Ötən həftə "Qarabağ"ın direktoru Əmrah Çəlikəl, daha sonra klubun mətbuat katibi Gündüz Abbaszadə açıqlama verdi ki, ağdamlılar Avroliqanın qrup matçlarını Tofiq Bəhramov adına Respublika stadionunda keçirəcək.
Bəs adı çəkilən arena oyunları keçirməyə hazırdı? Bu suala aydınlıq gətirmək üçün stadionun direktoru Şamil Qurbanovla əlaqə saxladıq: "Stadionumuz nəinki Avroliqanın qrup görüşlərini, hətta bütün ölkədaxili və beynəlxalq dərəcəli oyunları keçirməyə hazırdı. Hər şey qaydasındadı. Azarkeşlərin rahatlığı üçün bütün şərait yaradılıb”.
Şamil bəy stadiondakı yeniliklərdən də söz açdı: "Çempionlar Liqasının pley-off matçlarında UEFA nümayəndələri stadionumuza gələrək VAR sistemi, “goal-line” texnologiyası və futbolçuların göstəriciləri haqda məlumat verən elektron sistemi quraşdırdı. Yəqin ki, Avroliqanın qrup görüşlərində tələblərdə fərqliliklər olacaq. İstənilən halda, biz can-başla köməyimizi əsirgəməyəcəyik".
ABDULLA İSMAYILOĞLU
Digər xəbərlər
