Azarkeşlər "Qarabağ" - "Lex" oyununda "Tofiq Bəhramov"a ziyan vurub? - AÇIQLAMA
Çempionlar Liqasının 1-ci təsnifat mərhələsinin "Qarabağ" - "Lex" duelinin cavab matçı Tofiq Bəhramov adına Respublika Stadionunda keçirildi.
Söz-söhbət yayıldı ki, matç sonrası azarkeşlər stadiona ziyan vurub, hətta dava-dalaşda olub.
"Football-plus.az" saytı olaraq söyləntilərin nə qədər həqiqəti əks etdirməsini öyrənmək üçün stadionun direktoru Şamil Quliyevlə əlaqə saxladıq:
"Hələ "Qarabağ"-"Lex" oyunu zaman azarkeşlər tərəfindən göstərilən intizam ikinci bir matçda olmayıb. Azarkeşlər necə gəlmişdilərsə, eləcə də sağ-salamat çıxıb getdilər. Nə stadiona kimsə ziyan vurub, nə də dava-dalaş olub. Deyilənlərin hamısı şaiyə, yalan, qarayaxma, böhtantı. Stadionumuzda oyunlar zamanı, əsas da beynəlxalq səviyyəli oyunlarda güclü polis nəzarəti olur. Heç bir halda məkanımızda xoşa gəlməz hallara yol vermərik. Qapımız hər zaman futbolsevərlərin üzünə açıqdı, hər kəsin də təhlükəsizliyinə qarantiya veririk".
ABDULLA İSMAYILOĞLU
Digər xəbərlər
