Andrea Belottinin karyerasını harda davam etdirəcəyinə aydınlıq gəlib.

“Torino”dan azad agent kimi ayrılan İtaliya yığmasının hücumçusunun “Roma”da qərar tutmaq şansı vardı. Paytaxt klubunun onun xidmətində maraqlı olduğu məlum idi. Lakin “Roma” rəhbərliyi futbolçunun maliyyə tələblərini ödəməkdə çətinlik çəkirdi. Əks halda 28 yaşlı Belottinin “Qalatasaray” və ya “Nitsa”dan aldığı təklifləri dəyərləndirəcəyi də xəbər verilmişdi.

Son xəbərdə tərəflərin anlaşdığı bildirilir. AÇ-2020-nin qalibi olan Belotti artıq yeni klubunda tibbi baxışdan keçib.