"Ancaq bu o demək deyil ki, bu gün rəqib komandanın baş məşqçisi kimi onu alqışla qarşılayıb..." – Fanklubun rəhbəri
"Bu gün "Sumqayıt" azarkeşlərindən şəxsən incidim. Çünki Ayxan Abbasova bir alqış düşürdü. Ola bilər ki, kimsə deyib ki, alqışlamayın. Ayxan Abbasovun "Sumqayıt"da yaşadıqlarına bu gün bir alqış düşürdü. Mən heç kimlə prinsip aparmıram. "Sumqayıt"ı çox sevirəm. Bəlkə də gələcəkdə yenə burada çalışacağam. Amma iki dəfə Avropa Liqasında oynayan baş məşqçini alqışlamaq olardı”.
Cümə günü keçirilən “Sumqayıt” – “Turan Tovuz” matçından sonra təşkil olunan mətbuat konfransında jurnalistlərin sullarını cavablandıran Ayxan Abbasov onu alqışlamayan sumqayıtlı azarkeşlərdən incidiyini açıq-aydın bildirdi və onu da əlavə etdi ki, fanatları buna məcbur edən olub.
Məsələyə aydınlıq gətirmək üçün “kimyaçılar”ın rəsmi fanklubunun rəhbəri Sənan Mirzəyevlə əlaqə saxladıq. Mirzəyev “Football-plus.az” saytına açıqlamasında heç kimin tapşırığı ilə oturub-durmadıqlarını, rəqibin baş məşqçisini alqışlamağa borclu olmadıqlarını bildirdi:
“Ayxan müəllim bəlkə də hardasa haqlıdı. O “Sumqayıt”ın tarixinə düşən məşqçidi. Ancaq b u o demək deyil ki, bu gün rəqib komandanın baş məşqçisi kimi onu alqışla qarşılayıb, alqışla da yola salmalıyıq. Bizim belə borcumuz yoxdu. Bizə vacib olan “Sumqayıt”ın uğurudu. Oyundan əvvəl “Turan Tovuz”un baş məşqçini alqışla qarşılamaq, rəqibə motivasiya vermək deməkdi. Sizcə, fanatlar bunu edər? Ayxan müəllim deyib ki, onu alqışlamamağı tapşırıblar. Belə söhbət olmayıb. Bizə kim bu tapşırığı verib? Klub rəhbərliyi səviyyəsində heç kim fankluba nəsə deməyib. Buna hər kəs əmin ola bilər”.
RƏŞAD
Digər xəbərlər
