Bu yay diqqətçəkən transferlər həyata keçirən və mövsümə yaxşı başlayan “Beşiktaş”, nəhayət, əsas ulduzuna qovuşdu.

Football-plus.az xəbər verir ki, İstanbul nəhəngi uzun müddətdi danışıqlar apardığı ingiltərəli yarımmüdafiəçi Dele Alli ilə anlaşma əldə edərək onu İstanbula gətirdi. Tanınmış futbolçu çərşənbə günü təxminən gecə saat 2 radələrində İstanbula ayaq basdı. Bu cür gec saatda da onu hava limanında böyük izdiham qarşıladı. İngiltərədən bir çox təklif almasına rəğmən, kayerasında yeni səhifə açmaq istəyən Dele Alli qarşıdakı mövsümü icarə əsasında “Beşiktaş”da keçirəcək. Ötən yay pulsuz “Tottenhem”dən “Everton”a keçən istedadlı futbolçu bu mövsüm cəmi 2 rəsmi oyunda ümumilikdə 38 dəqiqə forma geymişdi. Transferin detallarına gelincə, burda maraqlı məqamlar var. Dele Allinin illik maaşını “Beşiktaş”la “Everton” birlikdə ödəyəcək. Onun ümumi illik qazancının konkret nə qədər olduğu açıqlanmasa da, “Beşiktaş” bu futbolçuya 2,5 millyən avroya yaxın pul ödəyəcək.

Müqavilədə hələ ki mətbuata bəlli olmayan bonuslar da mövcuddu. “Everton”a isə “Qartal” heç bir icarə haqqı ödəməyəcək. “Ağ-qaralar” Allini daimi əsasda transfer edə bilmək hüququnu da ələ keçiriblər. İki klub arasında əldə olunan anlaşmaya əsasən “Beşiktaş” ilk dövrədən sonra Allini daimi transfer etmək istəsə, mersisaydlılara 6 milyon avro ödəyəcək. “Beşiktaş” bu keçidi gələn yaya saxlamağa qərar verərsə, o zaman “Everton”a 8 milyon avro ödəməli olacaq.