Ramiz Məmmədov “Qarabağ”la bağlı narahatdı - AÇIQLAMA
"Qarabağ" bu gün Çempionlar Liqasının 2022/23 mövsümündə ilk matçına çıxır. Ağdam təmsilçisi səfərdə "Lex"lə qarşılaşır.
"Football-plus.az" saytı olaraq qarşılaşma ilə bağlı Ramiz Məmmədovun reaksiyasını aldıq. Təcrübəli mütəxəssis bunları söylədi:
"Qarabağ"ı bu gün çətin oyun gözləyir. Fikrimcə, əsas narahatlıq Patrik Andradenin komandadan ayrılmasıdı. Afrikalı həm yaradıcı, həm dağıdıcı, həm də top saxlamağı bacaran faydalı futbolçu idi. Amma nikbin olub inanaq ki, yeni transfer Marko Yankoviç və qalan futbolçular Andradenin boşluğunu dolduracaq. "Lex"in heyətində ucaboy, sürətli və təcrübəli futbolçular çoxdu. Rəqib "2-ci mərtəbə"də və əks-hücumlarda "Qarabağ"a çətin anlar yaşada bilər. Amma "köhlən atlar"ın da avrokuboklarda böyük təcrübəsi var, yetərincə tanınmış klubları məğlub ediblər. Təmsilçimizin qələbə şansı da var. Ancaq düşünürəm ki, ən azı məğlub olamayacağıq və Bakıya heç-heçə ilə qayıdacağıq”.
ABDULLA İSMAYILOĞU
Digər xəbərlər
