Emerson Palmyeri ilə bağlı bir neçə gün əvvəl yayılan xəbər doğrulub: o, artıq klubunu dəyişib.

"Football-plus.az" xəbər verir ki, 28 yaşlı futbolçu “Çelsi”ni tərk etsə də, Londonda qalıb. İtaliya yığmasının müdafiəçisi “Vest Hem”ə keçib. Yeni klubu onun transferi üçün 13 milyon funt sterlinq təzminat ödəyib. Paytaxt klubları arasındakı razılaşmaya əsasən, Emerson “Vest Hem”i bonus kimi daha 2 milyon funt sterlinq xərcə sala bilər. AÇ-2020-nin qalibinin “çəkicdöyənlər”lə imzaladığı müqavilənin müddəti 4 illikdi. O, “Çelsi”yə 2018-ci ilin yanvarında 20 milyon avroya “Roma”dan keçib. Ötən mövsümü icarə əsasında “Lion”da keçirən Emerson londonluların 71 oyununda iştirak edib. Bu oyunlarda 2 qolun və 5 məhsuldar ötürmənin müəllifi olub.