“Real”ın Çempionlar Liqasında qəlib gəlməsi “Çelsi”nin işinə yarayıb.

İngiltərə klubu 15 milyon funt sterlinq irəli düşüb.

“Daily Mail” qəzetinin xəbərinə görə, londonlular Eden Azarın sayəsində İspaniya klubundan bu qədər bonus alacaqlar. Maraqlıdı ki, belçikalı yarımmüdafiəçi mövsüm ərzində ÇL-də meydanda yanız 84 dəqiqə görünüb. Xatırladaq ki, Edenin 2019-cu ildə “Real”a satışı bonusları da nəzərə almaqla “Çelsi”ni 130 milyon funt sterlinq irəli sala bilər. Halbuki transfer İngiltərə klubuna ilkin olaraq 100 milyon funt sterlinq qazandırıb. Azarın son üç ildə zədə səbəbi ilə madridlilərin yalnız 66 oyununda iştirak etdiyini və 6 qol vurduğunu da xatırladaq.