Çempionlar Liqasının pley-off mərhələsinə yekun vurulur.

Turnirdəki yeganə təmsilçimiz “Qarabağ” Plzendə “Viktoriya”nın qonağı olub. Ağdamlılar səfərdə 1:2 hesabı ilə məğlub olaraq turnirdə mübarizəni dayandırıb.

"Köhlən atlar" yoluna Avropa Liqasının qrup mərhələsində davam edəcək.

Çempionlar Liqası
pley-off, cavab oyunu
Viktoriya (Çexiya) - Qarabağ 2:1
Qol: Yan Kopits, 58, Yan Kliment, 73 - Filip Ozobiç, 38

"Viktoriya: 36. Yindrjix Stanek, 4. Ludek Pernitsa (K), 7. Yan Sikora, 10. Yan Kopits, 15. Tomaş Xori, 18. Con Moskera, 20. Pavel Buxa, 21. Vatslav Yemelka, 44. Libor Holik, 23. Lukaş Kalvax, 24. Milan Havel
Ehtiyat oyunçular: 13. Marian Tvrdon, 16. Martin Yedliçka, 3. Məhəmməd Tijani, 6. Vatslav Pilarj, 9. Yan Kliment, 22. Kadu, 25. Aleş Çermak, 26. Filip Çihak, 33. Rene Dediç, 77. Erik Yirka, 99. Modu Ndiay
Baş məşqçi: Mihal Bilek

"Qarabağ": 1. Şahruddin Məhəmmədəliyev, 29. Marko Veşoviç, 13. Bəhlul Mustafazadə, 55. Bədavi Hüseynov, 27. Toral Bayramov, 2. Qara Qarayev (k), 20. Kadi Borges, 10. Abdullah Zubir, 25. İbrahima Vadji, 19. Filip Ozobiç, 7. Riçard Almeyda
Ehtiyat oyunçular: 23. Luka Quqeşaşvili, 89. Amin Ramazanov, 4. Rahil Məmmədov, 6. Julio Romao, 11. Kvabena Ovusu, 15. Leandro Andrade, 18. İsmayıl İbrahimli, 22. Musa Qurbanlı, 30. Abbas Hüseynov, 44. Elvin Cəfərquliyev, 8. Marko Yankoviç, 77. Ramil Şeydayev
Baş məşqçi: Qurban Qurbanov
Hakimlər: ARTUR DİAŞ, Ruy Tavareş, Paulo Soareş, Fabio Verisimo (hamısı Portuqaliya).
VAR hakimi: Tyaqo Martinş (Portuqaliya).
VAR hakiminin köməkçisi: Luiş Qodinyo (Portuqaliya).
23 avqust. Plzen. “Dusan Arena”. Saat 23.00
İlk oyun - 0:0.

Bakıdakı qarşılaşmada “Qarabağ”ın hücum potensialı baxımından “Viktoriya”dan daha üstün olduğunu gördük. Ağdamlılar, sadəcə, Çexiya klubunun müdafiəsini yarmalıdı. Qurban Qurbanovun komandası ilk matçlarda ehtiyatlı oyun sərgiləyib rəqibi öyrənir. Cavab görüşlərində isə açıq futbol sərgiləyir. Bu matçda da eyni ssenari təkrarlana bilər. Qarşılaşmanın konkret favoriti yoxdu. Oyunun taleyi 120 dəqiqənin sonunda, hətta penalti seriyasında da həll oluna bilər. Bunun üçün “Qarabağ” etibarlı müdafiə olunmalıdı. Ağdamlıların bu mövqeyində isə problem var. Kevin Medina və kapitan Maksim Medvedev zədəlidi. Düzdü, millimizin üzvü komanda ilə birgə Plzenə yollanıb. Lakin kapitan oyun zamanı meydanda olmayacaq.

Görüşü Portuqaliyadan olan Artur Diaş idarə edəcək. Ona yan xətt hakimləri Ruy Tavareş və Paulo Soareş kömək edəcək. Dördüncü hakim funksiyasını Fabio Verisimo yerinə yetirəcək. VAR hakimləri Luiş Qodinyo və Tyaqo Martinş olacaq. Artur Diaş Azərbaycan çempionu üçün tanış simadı. Referi “Qarabağ”ın 2017/18 mövsümündə, Çempionlar Liqasının qrup mərhələsində Bakıda “Roma”ya qarşı keçirdiyi oyunu idarə edib. Matç bizimkilərin 1:2 hesablı məğlubiyyəti ilə başa çatıb.

Yeri gəlmişkən, “Qarabağ” qitəmiqyaslı klub turnirlərində yubiley oyununu keçirəcək. “Viktoriya” ilə qarşılaşma Ağdam klubu üçün avrokuboklarda 150-ci sınaq olacaq. Qitəmiqyaslı yarışlarda 1996-cı ildə debüt edən “Qarabağ” indiyədək 149 matça çıxıb. Bölgə təmsilçisinin hesabında 54 qələbə, 40 heç-heçə və 55 məğlubiyyət var. Rəqib qapılarına 163 top vuran ağdamlılar 188 qol buraxıb. Əvvəlki 149 matç 5 fərqli turnir çərçivəsində olub. Onlardan 47-si Çempionlar Liqası, 81-i Avropa Liqası (əvvəlki UEFA kuboku), 14-ü Konfrans Liqası, 4-ü Kuboklar Kuboku, 4-ü İntertoto Kubokuna təsadüf edib. Qeyd edək ki, təmsilçimizin ilk avrokubok matçı 1996-cı il avqustun 8-də “MüPA”ya qarşı olub. “Qarabağ” ev oyununda Finlandiya klubuna 0:1 hesabıyla uduzub.