Aqil Abbas: “Etiraf etmək lazımdı ki...”
“Qarabağ” dünən Çempionlar Liqasının pley-off mərhələsində doğma meydanda "Viktoriya” ilə qarşılaşdı. Oyun Ağdam təmsilçisinin üstünlüyü şəraitində keçsə də, tablodakı rəqəmlər dəyişmədi.
"Football-plus.az" saytı olaraq "köhlən atlar"ın sərgilədiyi oyunla bağlı Aqil Abbasın fikirlərini öyrəndik. Ağdamlı millət vəkili bunları söylədi:"Qarabağ" dünən gözəl oyun nümayiş etdirdi. Sadəcə, qol çatmadı. Etiraf etmək lazımdı ki, rəqib də yaxşı komanda idi. Çexiya təmsilçisi müdafiədə qapanmaqla yaxşı oyun göstərdi. Bir həqiqət də var ki, Çexiya çempionatı bizdən qat-qat üstündü, orda çempionluğa bir neçə komanda oynayır, klublar arasında güclü rəqabət var. Bizdə isə "Qarabağ"a qarşı mübarizə aparacaq komanda yoxdu. Amma inamım böyükdü ki, "Qarabağ" səfərdə qalib gələrək ÇL-in qrupuna vəsiqəni təmin edəcək. Komanda artıq sübut edib ki, onun üçün ev-səfər prinsipi yoxdu. Qurban Qurbanov başda olmaqla bütün komandaya inanır, onlara uğurlar arzu edirəm".
ABDULLA İSMAYILOĞLU
