"Ağır oyun oldu. Bu komandadan nə gözləyirdiksə, elə də oynadılar. Dünən də bildirmişdim ki, onlar öz vəzifələrini sevə-sevə yerinə yetirirlər. Bütün meydan boyu birəbir oynayırdılar. Buna baxmayaraq, yaxşı qol şanslarımız oldu. Biz əvvəlcədən danışanda da demişdik ki, ola bilər, cəmi 1-3 qol epizodumuz olsun. Bundan istifadə etməliyik. Amma edə bilmədik. Düşünürəm ki, bizdə də, rəqibdə də həyəcan hiss olunurdu. Çünki pley-off mərhələsidi. Hamı istəyir ki, qrupa düşsün. Görünən odu ki, səfərdə qalib gəlmək üçün bundan da artıq güc itirməliyik. Şanslarımız bərabərdi. Səfərə böyük ümidlə gedəcəyik.

Ümumiyyətlə, bu gün futbolda aqressiya çoxalıb. Bunu hər oyunda görürük. Biz səbrli olmalıyıq. Futbolçularıma demişdim ki, çox səbrli davranmalıyıq. İlk oyundu. Qarşıda hələ 90 dəqiqə var. Məncə, pis alınmadı. Nə qədər oyun alınmasa da, rəqib nə qədər aqressiv çıxış etsə də, biz səbrli davrana bildik.

Azarkeşlərə təşəkkür edirəm. Onlar möhtəşəmdilər. Çox istəyərdik ki, minimum 1 qol görsünlər. Amma qarşıda cavab oyunu var. İnanıram ki, azarkeşlərimiz 6 gün sonra da bizim yanımızda olacaqlar. Çalışacağıq ki, onları sevindirək".