"Neftçi"nin Konfrans Liqasının 3-cü təsnifat mərhələsindəki rəqibi "Rapid"in baş məşqçisi Ferdinand Feldhofer yerli çempionatda "Austria"ya (Lustenyau) qarşı keçirdikləri matçı şərh edib.

"Football-plus.az" xəbər verir ki, Feldhofer 1:1 hesabıyla başa çatan görüşlə bağlı danışarkən "Neftçi" ilə ilk oyuna da toxunub:

"Neftçi" ilə çətin oyundan və uzun səfərdən sonra layiqli performan sərgilədik. Bakı səfəri bəhanə deyil, amma ümumilikdə bu matçda pis çıxış etmədik.

Gərgin həftə keçirdik. Bu oyundan sonra əminəm ki, Konfrans Liqasında "Neftçi" ilə oyunda da hər şey yaxşı olacaq".

"Neftçi" ilk matçda Avstriya klubunu Bakıda 2:1 hesabıyla məğlub edib. Komandalar arasındakı cavab matçı avqustun 11-də olacaq.