“Bavariya”nın ilk təklifi geri çevrildi
Matteys de Liqtin “Yuventus”u tərk etmək ehtimalı qalır.
Onun karyerasını Almaniyada davam etdirəcəyi gözlənilir. “Bavariya”nın idman direktoru Hasan Salihamiciç müdafiəçinin transferi ilə bağlı “Yuventus”la danışıqlar apardığını təsdiləqiyb:
“Biz danışıqlar aparırıq, amma sizə əlavə heç nə deyə bilmərəm. Mən bu məsələdə nikbinəm? Həmişə”.
“Yuventus”un De Liqt üçün azı 80 milyon avro tələb etməsi barədə xəbərlər yayılıb. Bu səbəbdən “Bavariya”nın 60 milyon avro təzminat və 10 milyon avro bonusu nəzərdə tutan ilk təklifi geri çevrilib. Niderlandlı futbolçunun Turin klubu ilə müqaviləsinin müddəti 30 iyun 2024-cü ilə qədərdi. Matteys ötən mövsüm keçirdiyi 42 oyunda 3 qol vurub və 1 məhsuldar ötürmə edib.
Digər xəbərlər
