AFFA İcraiyyə Komitəsinin srağagün keçirilən videokonfrans formatındakı iclasında verilən qərarlardan biri də türkiyəli Barış Şimşəkin qarşıdakı iki il müddətinə Hakimlər Komitəsinin sədri vəzifəsinə gətirilməsi ilə bağlı oldi. "Football-plus.az" saytı yerli hakimlərin bu təyinata reaksiyasını öyrənib.
Rüstəm Rəhimov: "Barış Şimşəklə yaxından tanış deyiləm. Amma haqqında yetərincə məlumatlıyam. O, Türkiyənin 10-20 top hakimindən deyil, amma VAR sistemi üzrə mütəxəssisdi. Bizim hakimlərə də VAR üzrə seminarlar keçib. Düşünürəm ki, Hakimlər Komitəsinə yerli arbitrlarimizdən də təyin etmək olardı. Amma AFFA türkiyəli mütəxəssisi irəli çəkibsə, deməli, bildiyi nəsə var. Qərara hörmət etməliyik. Barış Şimşəkin köməkçilərinin azərbaycanlı referilərdən təyin olunmasını vacib sayıram. Belə olsa, hakimlər arasında daha yaxşı koordinasiya olacaq".