İlk oyundan razı qaldı, rəhbərlikdən cavab gözləyir – premyer-liqa klubunun baş məşqçisi
Ayxan Abbasovun baş məşqçisi olduğu “Turan Tovuz” təlim-məşq toplanışı çərçivəsində iyunun 15-də ilk yoxlama görüşündə qüvvəsini sınayıb.
“Boz qurdlar” Şamaxıda eyni adlı komandanın qonağı olublar.
Qərblilərin baş məşqçisi Ayxan Abbasov “Football-plus.az” saytına açıqlamasında, demək olar, sıfırdan qurulan komandanın sərgilədiyi oyundan razı qaldığını bildirdi:“Komanda bir araya gələndən ilk oyunumuz idi. Belə qarşılaşmaların olması bizim xeyrimizədi. İki həftə Tovuzda toplanışdaydıq, ağır məşqlərimiz oldu. Şamaxıya oyun günü getdiyimizi, futbolçuların yorğunluğunu və havanın istiliyini nəzərə alsaq, oyun bizim üçün yaxşı keçdi. Təbii ki, görüləsi iş çoxdu, çatışmazlıqlarımız var ki, bunu da normal qarşılayıram. Yeni qurulmuş komandayıq, oyunçuların bir-birinə uyğunlaşması üçün vaxt tələb olunur. “Şamaxı” ilə matçdakı səhvləri təhlil edib, onları aradan qaldırmağa çalışacağıq”.
RƏŞAD
Digər xəbərlər
