“Turan Tovuz” yay hazırlığı üçün bu ölkəni düşünür – ÖZƏL
Yeni mövsümdən premyer-liqada çıxış edəcək “Turan Tovuz”un iyunun 18-də Bakıda bir araya gələcəyini xəbər vermişdik.
Əldə etdiyimiz məlumata görə, “boz qurdlar” təlim-məşq toplanışının ikinci mərhələsini ölkə xaricində keçirməyi planlaşdırır. Qərb təmsilçisinin hansı ölkəyə üz tutacağını dəqiqləşdirmək və bizi maraqlandıran başqa suallara cavab tapmaq üçün “Turan Tovuz”un baş məşqçisi Ayxan Abbasovu aradıq: “İyunun 18-də Bakıda toplanışa başlamağı planlaşdırmışıq. Niyə paytaxtda? Çünki Tovuz şəhər stadionunun süni örtüyü dəyişdirilir və ehtimal olunur ki, bu ayın sonunda işlər yekunlaşacaq. Ancaq Bakıda keçirmək istədiyimiz toplanışın da vaxtı tam dəqiqləşməyib. Bəzi məsələlər var ki, onlar həllini tapmalıdı. O ki qaldı hazırlıq prosesinin ikinci mərhələsinə, bunu ölkə xaricində keçirməyi düşünürük. Xaricdə toplanış keçməli olsaq, böyük ehtimalla Gürcüstana üz tutacağıq”.
RƏŞAD
