Loran Kosyelni futbolçu həyatı ilə bağlı vacib qərar verib.

Fransa millisinin sabiq oyunçusu karyerasını başa vurub. 2016-cı ildə Avropa çempionatının gümüş mükafatçısı olan futbolçu 36 yaşında yaşıl meydanı tərk etməli olub. Kosyelni son klubu “Bordo”dan yanvar ayının sonunda ayrılmışdı. Buna əvvəlcə onun zəif çıxışına görə əvəzedici heyətə göndərilməsi, sonra isə yerli azarkeşlər tərəfindən irqçilikdə ittiham edilməsi səbəb olmuşdu.

Loran karyerası ərzində sıralarına 2019-cu ildə qoşulduğu “Bordo”dan əvvəl “Genqam”, “Tur”, “Loryan” və “Arsenal”ın da şərəfini qoruyub. Milli komandada 51 oyuna 1 qol vurub.