Yeni mövsümdə “Səbail”in əvəzedici heyətini kimin çalışdıracağı hələ də məlum deyil.

Bununla bağlı klubun mətbuat xidməti ilə əlaqə saxlasaq da, məlumat olmadığını demişdilər. Maraqlıdı, əvəzedici komandaya təyinat nə vaxt olacaq? Bu suala cavab tapmaq üçün “Səbail”in icraçı direktoru Fərəc Əliyevlə əlaqə saxladıq. Onun “Football-plus.az” saytına açıqlaması belə oldu:

“İnşallah, bu həftə açıqlanacaq. Həftəsonuna kimi dəqiqləşməsi üçün çalışırıq”.

Məlum olduği kimi, “Səbail” yeni mövsümə fəal hazırlaşır. Komanda bir neçə legioner və yerli futbolçunun transferini gerçəkləşdirib. Görəsən, “dənizçilər” bundan sonra hansı mövqe üçün futbolçu almağı planlaşdırır? Fərəc Əliyevi eşidək:

“Hazırda bizdə 4 legioner var. Fikirləşirik ki, bir legioner də transfer edək. O da sabah Bakıda olmalıdı. Bir neçə günə onunla bağlı dəqiq məlumat veriləcək. Qalanları yerli futbolçular olacaq. Bunun üçün məşqçi də baxır, maraqlanır”.

ŞAİR ABDULLA