Yığma Millətlər Liqasında 4-cü matçına çıxacaq.

Bu dəfə rəqib Belarusdu. Georgi Kondratyevin komandası bu turnirdə ilk dəfə səfər oyununa çıxacaq. UEFA Rusiya ilə Ukrayna arasında davam edə müharibədə şimal qonuşumuzu dəstəklədiyinə görə Belarusu cəzalandırıb. Onlar ev oyunlarını neytral meydanda keçirir.

Qarşılaşmanın favoriti yığmamızdı. Düzdü, Serbiyadakı matçda üstün oynasaq da, qol vura bilmədik. İlk hissədə, demək olar ki, meydanda yalnız millimiz var idi. Canni de Byazi böyük ehtimalla Bakıdakı görüşdə rəqibdən acıq çıxmağa çalışacaq. İlk oyunda gördük ki, Belarus yığmasının müdafiəsində kifayət qədər boşluq var. Rəqib ardıcıl 4-5 ötürmə verə bilmir. Komandada xətlər arasında problem var. Təmsilçimiz bu boşluqlardan yararlana bilsə, azarkeşlərin də dəstəyi ilə Belarusu məğlub edə bilərik.

Belarusla indiyə kimi 5 dəfə qarşılaşmışıq. Bu görüşlərin ikisində qələbə qazanmışıq, 1 matçda məğlub olmuşuqsa, 2 görüşdə heç-heçə qeydə alınıb. Topların nisbətində də rəqibdən öndəyik - 5:4. Bu qarşılaşmalarda 1-dən çox qol vuran futbolçu yoxdu. Baş məşqçilərlə bağlı da maraqlı statistika var. Belarusun çalışdırıcısı Georgi Kondratyev Azərbaycana qarşı iki oyun keçirib və 1-də məğlub olub. De Byazi isə Belarusa qarşı 3 dəfə komanda çıxarıb. Bu matçların 1-də qələbə qazanıbsa, 2-də heç-heçə edib.

Millətlər Liqası

C liqası, 3-cü qrup, 4-cü tur
283. Azərbaycan - Belarus 2:0
Mahir Emreli, 76. Ramil Şeydayev, 90+3.
Hakimlər: ANASTASİOS PAPAPETRU, Trifon Petropulos, Yordanis Aptosoqlu, Georgios Tsovaras (hamısı Yunanıstan).
13 iyun. Bakı. “Dalğa Arena”. Saat 20.00

İLKİN SULTANLI