Emin Quliyev: “Yerli mütəxəssis dəvət olunsaydı, “Neftçi” daha çox uğur qazanardı” - AÇIQLAMA
“Neftçi”nin Müşahidə Şurası Samir Abasovla əməkdaşlığa son verdi.
Premyer-liqanın gümüş mükafatçısı əcnəbi mütəxəssisə tapşırılacaq. Vaxtilə “ağ-qaralar”ın uğurları üçün çalışan Emin Quliyevin bununla bağlı fikirlərini öyrəndik. Veteran futbolçu “Football-plus.az” saytına bunları söylədi:
“Ölkə çempionatında maksimum yerli mütəxəssislərə şans verilməlidi. “Neftçi”nin Müşahidə Şurası əcnəbi məşqçilərin komandaya daha çox fayda verəcəyini düşünürsə, Yürgen Gede, Roberto Bordindən niyə gözləniləni ala bilmədilər? Əvəzində Samir Abasov komandanı uzun illərdən sonra çempion etdi, yola saldığımız mövsümü 2-ci yerdə tamamladı. Fikrimcə, yerli mütəxəssis dəvət olunsaydı, “Neftçi” daha çox uğur qazanardı. Ölkə futbolunda yerli məşqçilərə etimad göstərib, özlərini doğrultmaları üçün ən azı 2-3 il şans verilməlidi”.
ABDULLA İSMAYILOĞLU
