İngiltərənin "Bernli" klubunun hücumçusu Vut Veqhorst karyerasını "Beşiktaş"da davam etdirə bilər.

"Football-plus.az" "A Spor"a istinadən xəbər verir ki, İstanbul klubu niderlandlı forvardı icarəyə götürmək üçün 100 min avro təklif edib. Bundan başqa, "qara qartal" bir il sonra daha 8 milyon avro ödəyib, forvardı birdəfəlik transfer etmək şərtini irəli sürüb. Qarşı tərəfin hansı cavabı verdiyi hələlik bəlli deyil.

Daha çox Almaniya "Volfsburq"undakı çıxışı ilə məşhurlaşan Veqhorst bu ilin qışından formasını geyindiyi "Bernli"də 20 oyun keçirib, 2 qol vurub.