Dünən Qazaxıstan - Azərbaycan oyununun canlı yayınında dəfələrlə texniki problemlər yaşandı.

Azərbaycanlı futbolsevərlər üçün bu oyun 71-ci dəqiqədə bitdi, yəni sonluğa baxmaq mümkün olmadı. Kim bilir, bəlkə elə bu da ilahi hökm idi. Onsuz da baxıb əsəbləşirdik. "CBC Sport" telekanalı problemin qarşı tərəfin siqnalı ötürə bilməməsindən qaynaqlandığını açıqlayıb.

Məsələyə UEFA-nın monitorinq qrupu da qarışıb. Problemin qısa zamanda aradan qaldırılması üçün iş getdiyi qeyd olunsa da, sonuna qədər bunu həll etmək mümkün olmadı. “CBC Sport” buna görə izləyicilərdən üzr istəsə də, reallıq dəyişmir. Qazaxlar yığmamızı yaraladı, biz də oyuna yarımçıq baxdıq...