Belarus millisinin baş məşqçisi Georgi Kondratyev Millətlər Liqasında rəqibləri olan Azərbaycan, Qazaxıstan və Slovakiya ilə qarşılaşacaqları görüşlər haqda danışıb.

"Football-plus.az" xəbər verir ki, 62 yaşlı mütəxəssis federasiyanın rəsmi saytına açıqlama verib:

“Qazaxlar və azərbaycanlılar bizim komanda ilə bərabər səviyyədədi. Bu komandaların görüşündə yaxşı hazırlıq keçən, hücumda öz imkanlarından lazımınca istifadə edən və müdafiədə səhv buraxmayan qalib gələcək. Ona görə də biz müdafiədə diqqətli olmalı və qol imkanlarımızdan istifadə etməliyik. Onda hər şey qaydasında olacaq. Slovakiya ilə ilk oyunumuzdan da çox şey asılıdı. Əgər bu matçı uğurlu keçirsək, növbəti oyunlarda yaxşı şansımız olacaq. Slovakiya bizim qrupun favoritidi”.

Azərbaycan millisi iyunun 6-də səfərdə, 13-də isə Bakıda Belarusla qarşılaşacaq.