"Azərbaycan sürətli futbol oynamağı bacarır" - Georgi Kondratyev
Belarus millisinin baş məşqçisi Georgi Kondratyev Azərbaycan millisinə qarşı Millətlər Liqası matçından sonra təşkil edilən mətbuat konfransında jurnalistlərin suallarını cavablandırdı.
"Football-plus.az" xəbər verir ki, belaruslu mütəxəssis matçla bağlı bunları deyib:"Matç ərzində qol şanslarımız var idi. Amma onlardan istifadə edə bilmirdik. Həmin epizodlarda sadəcə heyrətə gəldim. Yaxın məsafədən qol vura bilmirik. Azərbaycan millisi isə düşən imkanlardan yararlanmağı bacardı. Qələbə münasibətilə Azərbaycanı təbrik edirəm. Oyun keyfiyyəti baxımından bütün komandalar bərabər səviyyədədi. Amma bizim epizodları reallaşdırmaq baxımından problemlərimiz var".
Kondratyev Azərbaycan millisi barədə bunları deyib: "Azərbaycanı yaxşı analiz etmişdik. Rəqib futbolçunun sol ayağının təhlükəli olduğunu bilirdik. Amma qol epizodunda ona mane ola bilmədik. İkinci tsikldir ki, ev oyunlarımızı neytral meydanda oynayırıq. Belə olanda isə çətindi. Azərbaycan sürətli futbol oynamağı bacarır, top saxlayırlar, qısa-qısa ötürmələr edirlər".
Digər xəbərlər
