Azərbaycan kubokunun finalında “Qarabağ” “Zirə” ilə qarşılaşdı

“Football-plus.az” xəbər verir ki, əsas və əlavə vaxtı 1:1 hesabı ilə başa çatın taleyinə penaltilər seriyasında aydınlıq gəldi.

Burda Ağdam təmsilçisi daha dəqiq oynayaraq qələbə qazandı - 4:3.

Oyundan sonra “köhlən atlar”ın üzvləri “CBC Sport” fləş-müsahibə veriblər. Onlardan bəzilərini diqqətinizə çatdırırıq:

Maksim Medvedev: "Ən maraqlı finalım bu oldu. Səhvimdən sonra rəqib qol vurdu. Bundan sonra çalışdım ki, komandamı ruhlandırım ki, fərqlənək.

Futbolçularda buna inam var idi. Rəşadın komandası çox yaxşı mübarizə apardı. Bizə az fürsət verdilər. Premyer-liqada çempion olduq. Amma bu finaldan sonra hiss edirəm ki, ölkə kubokunu qazandığım üçün daha çox sevinirəm".

Kadi Borges: Oyun gözlədiyimiz kimi çətin keçdi. Finalın belə olacağını bilirdik. Bu möhtəşəm komandadakı yoldaşlarıma təşəkkür edirəm. Mövsümlə bağlı hisslərimi ifadə etməyə söz tapmıram. Mümkün olan bütün titulları ilk mövsümdə qazandım. Bu klub bir ailədir. Hamısına təşəkkür edirəm. Azarkeşlər ötən mövsüm avrokubokda göstərdiyimiz əzmkarlığı yenidən gözləyə bilərlər”.

Şahruddin Məhəmmədəliyev: “Ağır oyun oldu. Rəşadın komandası ötən il dördüncü, bu dəfə üçüncü oldu. Bilirdik ki, çətin olacaq. Rəqib həm müdafiədə, həm hücumda çox yaxşı oynadılar. Çempionatda komandaya kömək etmək imkanım olmurdu. Bu gün kömək edə bildim”.

Qara Qarayev: “Çox maraqlı final oldu. Hər iki komanda ən yaxşı oyununu nümayiş etdirməyə çalışırdı. İmkanlarımız var idi. Bu gün kobud səhv etdim”.

Əmrah Çəlikəl: “Şükürlər olsun ki, kuboku qazandıq. Çox şadıq. Hesabda geri düşəndə də inanırdıq. Gözəl oyun oldu. Buna görə sevincliyik”