Anar Nəzirov: "Finala çıxmağımızın özü böyük işdi" - AÇIQLAMA
Dünən Azərbaycan kubokunun finalında "Qarabağ" "Zirə" ilə üz-üzə gəlib.
"Football-plus.az" xəbər verir ki, görüşün əsas və əlavə vaxtında qalib müəyyənləşməyib - 1:1.
Penaltilər seriyasında isə Ağdam təmsilçisi 4:3 hesablı qələbə qazanıb.
Qarşılaşmadan sonra "Zirə"nin qolkiperi Anar Nəzirov jurnalistlərə görüşlə bağlı açıqlama verib:"Danışılası çox şey yoxdu, məyusuq. Rəqibi qələbə münasibətilə təbrik edirik. Məğlub olduğumuz üçün bir az pərişanlıq var. Amma finala çıxmağımızın özü böyük işdi. "Qarabağ" kimi komanda ilə 120 dəqiqə başabaş oynadıq. Rəqibin adından qorxmadıq. Penaltilər seriyası lotoreyadı. İki komandadan biri udmalı idi. Qismət deyilmiş".
Nəzirov Azərbaycan millisinə dəvət almamasına da toxunub: "Yığmaya oyunçuları baş məşqçi seçir. Həmkarlarımın hər birinə uğurlar arzu edirəm. Gənclərə üstünlük verilsə, daha yaxşı olar".
