Mayın 13-də “Səbail”lə yeni müqavilə bağlayan Aftandil Hacıyevin anlaşmasının müddəti cəmi 10 gün çəkdi.

2018-ci ilin yayında “Qarabağ”ın əvəzedici heyətinin baş məşqçi postundan ayrılaraq “dənizçilər”ə üz tutan, ilk ilində komandaya premyer-liqanın bürünc medallarını qazandırıb Avropa Liqasına daşıyan 40 yaşlı mütəxəssisin klubdan ayrılması barədə fərqli versiyalar dolaşır ki, bu yazıda bir-bir onlara toxunub, hanısının reallığa yaxın olduğunu aydınlaşdırmağa çalışacağıq.

Fikir ayrılığı, yoxsa 0:5?

Klubun idman direktoru Fərəc Əliyev baş məşqçi ilə yolların ayrılmasına münasibət bildirərkən “fikir ayrılığı yarandı” söyləyib. Təbii ki, bu, sadəcə, vəziyyətdən çıxmaq üçün deyilən sözlərdi. Məgər baş məşqçi ilə yeni müqavilə imzalananda qarşıdan gələn mövsüm üçün planlar müzakirə olunmamışdı? Heç şübhəsiz, anlaşmanın müddəti uzadılarkən, növbəti “futbol ili” müzakirə olunmuş, artırılması gözlənilən büdcəyə uyğun komanda formalaşdırmaqdan tutmuş, kollektivin mövsümlərarası fasilədə toplanış üçün hara üz tutacağı ətrafında fikir mübadiləsi aparılmışdı. Bu yerdə ortaya bir neçə sual çıxır. Qarşılıqlı razılıq əldə olunmamışdısa, ikitərəfli öhdəliklər götürülməmişdisə, məqsədlər ətrafında ortaq məxrəcə gəlinməmişdisə, birillik müqavilə necə bağlanmışdı? Hacıyevlə rəhbərlik arasında narazılığın baş qaldırdığını “Sumqayıt”la matçdan sonra təşkil olunan mətbuat konfrasnda səslənən fikirlərdən də duymaq olardı. Aftandil bəy son vaxtlar “Səbail” ətrafında şişirdilmiş söhbətlərin dolaşdığını, heç də hər şeyin deyildiyi kimi olmadığını vurğulamışdı. Görünür, onun üstüörtülü də olsa, ictimaiyyətə siqnal ötürməsini rəsmilər həzm edə bilməyib və çempionat bitəndən iki gün sonra Hacıyevlə müqaviləyə xitam verilib. Söylənilənlərə inansaq, bəzi qüvvələr xeyli vaxtdı “Səbail”in “sükanı arxasına” öz adamını gətirmək üçün fürsət gözləyirmiş. Uğursuz mövsümün sonunda “kimyaçılar”a 0:5 hesablı məğlubiyyət isə onların əlinə bəhanə verib.

Hacıyevin geniş səlahiyyət istəyi xoş qarşılanmayıb

İstefa ilə bağlı daha bir versiya transfer məsələlərində baş məşqçi ilə rəhbərlik arasında yaşanan fikir ayrılığıdı. Aftandil Hacıyev rəsmilər, daha doğrusu, klubun əsas sponsoru “Azərbaycan Xəzər Dəniz Gəmiçiliyi” Qapalı Səhmdar Cəmiyyətinin rəhbərliyi ilə görüşü zamanı iddialı və hədəfi olan komanda formalaşdırmaq üçün bütün transfer məsələlərinin öz himayəsində olmasını istəyib. Yəni komandaya kimin gələcəyinə, kimin gedəcəyinə özü qərar vermək istəyib ki, bu da rəhbərlik tərəfindən xoş qarşılanmayıb. Söylənilənlərə inansaq, ASCO-nun İdarə Heyətinin sədri Rauf Vəliyevin iqtisadi məsələlər üzrə müavini Cəlal Fərəcli baş məşqçinin geniş səlahiyyət istəməsini xoş qarşılamayıb və yuxarı instansiyalarla söhbət zamanı Hacıyevin “qələmini qırıb”.

Öz istəyi ilə ayrılıb?

Yaşananlarla bağlı kuluarlarda gəzən söz-söhbətlərə inansaq, Aftandil bəy “Səbail”dən öz istəyi ilə ayrılıb. Söylənilənlərə görə, 40 yaşlı mütəxəssis “Neftçi”dən aldığı təklifi dəyərləndirmək üçün “dənizçilər”lə yeni imzaladığı müqaviləyə xitam verilməsini istəyib. Və bu səbəbdən “Səbail” rəhbərliyi onunla anlaşmanı qarşılıqlı razılıq əsasında pozub.

Ancaq bu variant da inandırıcı səslənmir. Bu günə kimi məşqçilik karyerası ərzində “Qarabağ”ın əvəzedicilərini və “Səbail”in əsas komandasını çalışdıran, son iki mövsümdə komandası premyer-liqanın sonuncusu olan Hacıyevi “ağ-qaralar”ın “sükanı arxasına” gətirmək ölkənin ən köklü klubunun azarkeşlərini özündən çıxara bilər ki, bu da başadüşüləndi. Samir Abasovla çempionluğu bayram edən, cari mövsümdə “gümüş” qazanan bakılıların baş məşqçisi autsayder komandada çalışmış biri ola bilməz. Bəli, Hacıyev istedadlı, gələcək adına perspektiv vəd edən mütəxəssisdi. Ancaq onun indiki halda “Neftçi”nin baş məşqçisi olması qeyri-mümkündü.

Son söz əvəzi

Aftandil bəyin istefası ətrafında söylənilənləri bir daha xatırladıq, yeni müqavilə bağlayıb 10 gündən sonra anlaşmasına xitam verilən məşqçinin nəyə görə “oyundankənar vəziyyətə düşdüyünü” təhlil etməyə çalışdıq. Və belə qənaətə gəldik ki, onun istefasının əsas səbəbi klubun transfer siyasətini öz əlinə almaq istəyidi. Deyilənlərə inansaq, yeni “futbol ili” üçün ASCO “dənizçilər”ə 8 milyonluq büdcə verəcək. Milyonlar olan yerdə isə hər kəs “bir nömrə” olub, söz sahibinə çevrilmək istəyir. Bizə çatan bilgiyə görə, büdcənin artdığını görən Hacıyev “Səbail”də də “Qarabağ” modelini tətbiq etmək istəyib. Yəni izafi sərfə yol vermədən Qurban Qurbanov kimi sisteminə uyğun futbolçularla danışıq aparmaq və maliyyə məsələlərini müzakirə etmək. Ancaq görünür, onun bu addımı kimlərinsə xoşuna gəlməyib və baş məşqçi ilə yolları ayırmaq qərarı verilib.

RƏŞAD

Son xəbərlər

Ankara toplanışında 13 cüdoçu iştirak edir

Azərbaycanlı futbolçulara xəbərdarlıq: Bu ölkələrin klubları ilə müqavilə imzalamayın!

Azərbaycan çempionu oyunlarını bu ölkələrdən birində keçirəcək

Çakır gələcəyi ilə bağlı qərar verməyib

"Çox işimiz var" - "Makkabi"nin baş məşqçisi

"Qarabağ"ın rəqibində ayrılıq

Almanlar dünya çempionatından bezib

Qızın iki adaxlısı var?! - KÖŞƏ

Azərbaycanlı üzgüçü Avropa çempionatının finalında

Hikmət Hacıyev: "Fəxri kürsüyə layiq olan döyüşçülər milli yığma komandanın tərkibinə salındı" - AÇIQLAMA

"Zirə" Türkiyə klubuna qarşı - YENİLƏNİR

Braziliyalı müdafiəçi Azərbaycan premyer-liqasında çıxış edə bilər - İDDİA

"Xarakter göstərdik"

Muravski: "Bizim üçün vacib olan kritik anda ayağa qalxmaq və hücum etmək idi"

"Neftçi" Boluda ilk matçına çıxır - YENİLƏNİR

"Qarabağ"ın məğlub olduğu oyun - VİDEO

Elmar Baxşıyev: "Qəbələ" təkcə Ruan və İsniklə qurulmayıb"

"Qələbə bizimdisə, deməli daha yaxşı olmuşuq" - "Lex"in baş məşqçisi

"Təbii ki, 90 dəqiqəni eyni tempdə keçirmək mümkün deyil" - Qurban Qurbanov

"Qarabağ" məğlub oldu - YENİLƏNİB

“Everton” ona görə pul ödəmədi

İngiltərə klubunda rekord transfer

Salah “Liverpul”un yeni rekordçusudu

Şamil Quliyev: “Ora yeni asfalt da çəkildi, işıq sistemi də yeniləndi” - AÇIQLAMA

Zidan Türkiyədə saç əkdirib?

Rauf Əliyev “Şamaxı”da oynayacaq

“Real” oyunçusunu İtaliyaya təmənnasız göndərəcək

Popoviç “Sumqayıt”a nə verdi? - KÖŞƏ

Qartallar PSJ-nin nəyinə lazımdı?

Rüstəm Əfsərli: "Hər üç klubumuzun oyunlarının yayınlanması ilə bağlı işlər görürük" - AÇIQLAMA

İngiltərə çempionundan daha bir transfer

"Qəbələ" superliqa klubu ilə bacarmadı

Polşa mətbuatı “Lex”in heyətini açıqladı

Daha bir kanal Çempionlar Liqasının matçlarını yayınlayacaq

Nərgiz Qurbanova “Lex” – “Qarabağ” matçını izləyəcək? - AÇIQLAMA

Blatter: “İnfantino yalnız məni deyil, həm də mənim FİFA üçün gördüyüm işləri məhv etmək istəyir”

Fərid Nəbiyev "Kəpəz"lə müqavilə bağlayıb? - Meneceri açıqladı

“Barselona” oyunçusuna 1 milyard avro qiymət qoydu

Ramiz Məmmədov “Qarabağ”la bağlı narahatdı - AÇIQLAMA

Yunis Hüseynov: “Qorxmaq lazım deyil"

"Qəbələ" israilli futbolçunu transfer etdi

"Qarabağ" onu "Zirə"yə verdi

Rizvan Fərzəliyevin “Araz-Naxçıvan”da qalmasına mane olan səbəblər - AÇIQLAMA

Poçettino istefaya göndərildi

"Səbail"in rəqibləri müəyyənləşdi

Bütün xəbərlər