“Aftandil müəllimi "Səbail"in ayrılmaz, qızıl parçası sayırdıq”
Aftandil Hacıyevin "Səbail"dən ayrılması hələ də müzakirə mövzusudu.
"Football-plus.az" saytı olaraq bununla bağlı “dənizçilər”in təcrübəli futbolçusu Əfran İsmayılovun fikirlərini öyrəndik. Yarımmüdafiəçi bu xəbəri üzüntü ilə qarşıladıqlarını söylədi:“Hamımız üçün gözlənilməz hadisə baş verdi. Aftandil müəllimi "Səbail"in ayrılmaz, qızıl parçası sayırdıq. Futbolçular üçün tək məşqçi yox, həm də gözəl insan, böyük qardaş, dəyərli fiqur idi. Onun komandadan ayrılması bütün futbolçular üçün üzücüdü. Amma nə etmək olar? Acı da olsa, futbolun reallığıdı”.
33 yaşlı futbolçu gələcək karyerası ilə bağlı da danışdı: "Hələ ki istirahətdəyəm. İlk növbədə "Səbail"lə danışıqlar masasına oturacam. Başqa klublardan təkliflər gəlsə, onları da nəzərdən keçirəcəm. Şərtlər ürəyimcə olsa, daha bir il oynamaq istəyirəm".
ABDULLA İSMAYILOĞLU
Digər xəbərlər
