Nəhayət, Pol Poqbanın növbəti mövsümə harda başlayacağı böyük ölçüdə məlum olub.

“Mançester Yunayted”i tərk edəcəyi çoxdan bilinən yarımmüdafiəçi yayda “Yuventus”a qayıdacaq. “La Gazzetta dello Sport”un xəbərinə görə, fransalı futbolçu Turin klubuna azad agent kimi qoşulacaq. 29 yaşlı Polun sabiq klubu ilə bonuslarsız ilə 7,5 milyon avro maaşı nəzərdə tutan 3 illik müqavilə imzalayacağı da bildirilib.

Xatırladaq ki, Poqba İtaliya klubunda 2012-16-cı illərdə çıxış edib. Dünya çempionu MY ilə müqaviləsini yeniləmək istəmədiyi üçün karyerasında ikinci dəfə “Yuve”yə təzminatsız başa gələcək.