Antonio Rüdiger yenidən A seriyasında oynayacaq.

Bunu “La Gazzetta dello Sport” iddia edir. İtaliyanın populyar idman nəşri “Yuventus” rəhbərliyinin onunla anlaşdığını xəbər verib. “Çelsi” ilə müqaviləsini yeniləmək istəməyən müdafiəçinin Turin klubuna azad agent kimi qoşulacağı bildirilib. 29 yaşlı futbolçunun “Yuventus”la 4 illik müddətə nəzərdə tutulan müqavilə bağlayacağı da qeyd edilib.

Xatırladaq ki, Antonionun A seriyasında çıxış təcrübəsi var. Almaniya yığmasının oyunçusu 2015-17-ci illərdə “Roma”nın şərəfini qoruyub. “Çelsi” onu 2017-ci ilin yayında bu klubdan təxminən 34 milyon funt sterlinqə almışdı.